عێراق دهبێته زۆرترین كڕیاری خانوو لە توركیا
بەپێی ڕاپۆرتی مانگانەی ئاژانسی داتای خانووبەرە لە توركیا عێراق لە وڵاتە هەرە پێشەنگەكان دێت لە كڕینی خانووبەرە لە توركیا
بەپێی ڕاپۆرتەكە عێراق بەڕێژەیەكی زۆر پێش ئێران دەكەوێتەوە و تەنها لەمانگی شەش دا 773 خانووی لە توركیا كڕیوە، هاوڵاتیانی ئێران بە كڕینی 683 خانووی توركیا بە پلەی دووەم دێن و ڕووسیا بە 300 یەكەی نیشتەجێبوون لە پلەی سێیەم دێت.
هەر یەك لە پلەكانی چوارەم و پێنجەم ئەڤغانستان بە 250 یەكە و ئەڵمانیا بە 192 یەكەی نیشتەجێبوون لە ڕیزبەندیەكە دەبینرێن.
جێی باسە بەشێكی هاوڵاتیان بە مەبەستی قازانكردن ڕوو لە كڕینی یەكەی نیشتەجێبوون لە توركیا دەكەن بەشێكی تریشی بە ئامانجی وەرگرتنی ئیقامەی نیشتەجێبوونی ئەو وڵاتە یەكەی نیشتەجێبوون لەو وڵاتە دەكڕن و عێراقیش یەكێكە لەو وڵاتانەی زۆرترین داهاتی دەچێتە دەرەوە و هاوڵاتیانی خواستێكی زۆریان هەیە لەسەر یەكەی نیشتەجێبوون لە توركیا.
سهرچاوه: موڵك نیوز