سەرۆكی لیژنەی شارەوانی لە پەرلەمانی هەرێمی كوردستان:نرخی تاپۆکردنی خانووی زێدەڕۆ کراوە بە ٥٪‏ لە نرخی راستەقینەی ئەو زەویەی خانوەکەی لەسەر دروستکراوە.

لوقمان وەردی، لەدانیشتنی پەرلەمانی کوردستان ھەمواری یەکەمی یاسایی تاپۆکردنی خانوەزێدەرۆکان پەسەندكرا كە ئەم گۆڕانكاریانەی خوارەوە لە ماددەكانی یاساكەدا ئەنجامدراوە.

١- نرخی تاپۆکردنی خانووی زێدەرۆ کراوە بە ٥٪‏ سەدا پێنج لە نرخی راستەقینەی ئەو زەویەی خانوەکەی لەسەر دروستکراوە.

٢- شارەوانیەکان بۆیان ھەیە ئەو کەسەی پێش رێکەوتی ٣١-١٢-٢٠٢٠ خانووی نیشتەجێبوونی بەزێدەرۆیی دروستکردوە خانوەکەی لەچوارچێوەی حوکمەکانی ئەم یاسایە لەسەر تاپۆبکەن .

٣-بۆ ئەو ناوچانەی لەسەردەمی رژێمی پێشوو دووچاری وێران بوون و راگواستن ھاتوون و دوای راپەرینی ساڵی ١٩٩١ ئاوەدان کراونەتەوە حوکمەکانی ئەم یاسایە دەیانگرێتەوە خانوەکانیان لەسەر تاپۆ دەکرێیت بەنرخی ٢٪‏ لەسەدا دوو لەنرخی راستەقینەی زەوی ، ئەم شوێنانە دەگرێتەوە ، وەک پارێزگای ھەڵەبجە ، قەزاکانی چۆمان ، مێرگەسۆر ، سیدسادق ، قەڵادزێ ، پێنجوێن ، چواتا ، ماوەت ، چەند ناحیەیەک لە پارێزگای دھۆک ...ھتد .

٤- کەسوکاری پلەیەکی شەھیدان و ئەنفالکراوان و کەم ئەندامانی سەنگەر بەبێ بەرامبەر خانووەکانیان لەسەر تاپۆ دەکرێیت .

٥- ئەو پارەیەی لەئەنجامی تاپۆکردنی خانوەزێدەرۆکان دەست دەکەوێیت ٧٠٪‏ حەفتا لەسەدی بۆ وەزارەتی شارەوانی دەبێیت بۆ نەخشەو دیزاین و گەیاندنی خزمەتگوزاری بۆ ئەو گەرەکانەی حوکمەکانی ئەو یاسایە دەیانگرێتەوە.

٦- شارەوانیەکان پابەند کراون لەماوەیەک زیاتر نەبێیت لە دووساڵ نەخشەو ماستەر پلانی پێویست دابنێن بۆ ئەو شارو شارۆچکانەی ماستەر پلانیان نیە.

سه‌رچاوه‌: موڵك نیوز